സംഗീത ഇതിഹാസം വി ദക്ഷിണാമൂര്‍ത്തി വിട വാങ്ങിയിട്ട് ഇന്നേക്ക് 10 വര്‍ഷം. ഹിന്ദി ഈണങ്ങള്‍ക്ക് വരികള്‍ എഴുതി മലയാളം പാട്ടുകളായി സിനിമയില്‍ ചേര്‍ത്തിരുന്ന കാലമുണ്ടായിരുന്നു മലയാള ചലച്ചിത്ര ചരിത്രത്തിന്. കര്‍ണ്ണാടക സംഗീതത്തിന്‍റെ രാഗസഞ്ചാരങ്ങളെ തികഞ്ഞ കൈയ്യടക്കത്തോടെ മലയാള ചലച്ചിത്ര ഗാനങ്ങള്‍ക്കൊപ്പം ഇണക്കിച്ചേര്‍ത്ത് ആദ്യ ചിത്രം നല്ല തങ്ക മുതല്‍ വി ദക്ഷിണാമൂര്‍ത്തി ഒരു പൊളിച്ചെഴുത്തിന് തുടക്കമിട്ടു. ദേവരാജന്‍, ബാബുരാജ്, കെ രാഘവന്‍ എന്നിവര്‍ക്കൊപ്പം മലയാള ചലച്ചിത്ര ഗാനങ്ങള്‍ക്ക് മൗലികത നല്‍കിയ സര്‍ഗപ്രതിഭയായിരുന്നു അദ്ദേഹം.
