കോട്ടയം ഈരാറ്റുപേട്ട തീക്കോയി മാര്‍മല അരുവിയില്‍ കുളിക്കാനിറങ്ങിയ യുവാവ്‌ മുങ്ങിമരിച്ചു. ഹൈദരാബാദ്‌ സ്വദേശി നിര്‍മല്‍ കുമാര്‍ ബെഹ്ര(21) ആണ്‌ മരിച്ചത്‌. പാലാ വലവൂര്‍ ട്രിപ്പിൾ ഐടിയില്‍ നിന്നുള്ള എട്ടംഗ സംഘമാണ്‌ മാര്‍മല അരുവി സന്ദര്‍ശിക്കാനെത്തിയത്‌. ഇതില്‍ കുളിക്കാനിറങ്ങിയ 3 പേര്‍ കയത്തിൽ പെടുകയായിരുന്നു.കോട്ടയം ജില്ലയിലെ പ്രധാന വിനോദ സഞ്ചാര കേന്ദ്രങ്ങളിലൊന്നായ മാര്‍മല വെള്ളച്ചാട്ടവും അരുവിയും കാണാന്‍ വിദ്യാര്‍ത്ഥികളടക്കം നിരവധി സഞ്ചാരികളാണ് എത്താറുള്ളത്.
