അത്‌ലോസ് 2022 കായിക ദിനാഘോഷം

അകമല ഭാരതീയ വിദ്യാഭവൻസ് എസ് രാമകൃഷ്ണൻ മെമ്മോറിയൽ പബ്ലിക് സ്കൂളിലെ ഇരുപതാം കായിക ദിനാഘോഷം അത്‌ലോസ് 2022 വിപുലമായ പരിപാടികളോടെ തുടക്കമിട്ടു. ഈശ്വര പ്രാർത്ഥനയോടെ യോഗം ആരംഭിച്ചു. വടക്കാഞ്ചേരി സബ് ഇൻസ്പെക്ടർ ഓഫ് പോലീസ് ദേവിക എസ് മുഖ്യാതിഥിയായിരുന്നു. കായിക ദിനത്തിലെ മുഖ്യഘടകമായ നാല് ഹൗസുകൾ നയിച്ച മാർച്ച് പാസ്റ്റിൽ മുഖ്യാതിഥി വിദ്യാർഥികളിൽ നിന്ന് ഗാർഡ് ഓഫ് ഓണർ സ്വീകരിച്ച് കായിക വിദ്യാഭ്യാസത്തിന്റെ പ്രാധാന്യത്തെക്കുറിച്ച് സംസാരിച്ചു. കേന്ദ്ര കമ്മിറ്റി എക്സിക്യൂട്ടീവ് വൈസ് ചെയർമാൻ പി. എൻ. വേണുഗോപാലൻ കായികദിന ദീപം തെളിയിച്ചു. കേന്ദ്ര കമ്മിറ്റി അംഗങ്ങളായ സി.എ. ശങ്കരൻകുട്ടി, പി എൻ ഗോകുലൻ, സ്കൂൾ പ്രിൻസിപ്പാൾ സിന്ധു ശിവദാസ്, വൈസ് പ്രിൻസിപ്പാൾ ബിന്ദു. എം. പി എന്നിവർ പരിപാടിയിൽ സന്നിഹിതരായിരുന്നു.