ഐ.എസ്. കേസുകളിലെ പ്രതികളായ മുഹമ്മദ് അസ്ഹറുദ്ദീന് അടക്കമുള്ളവരെ കാണാന് കോയമ്പത്തൂര് കാര് സ്ഫോടനക്കേസിലെ പ്രതികളടക്കം നിരവധിപേര് തൃശ്ശൂരിലെത്തിയിരുന്നുവെന്ന കണ്ടെത്തലിന്റെ അടിസ്ഥാനത്തിലാണ് തമിഴ്നാട് പൊലീസിന്റെയും എന്.ഐ.എയും നീക്കം. അതേസമയം തീവ്രവാദബന്ധമാരോപിച്ചു യു.എ.ഇയില് നിന്നു നാടുകടത്തപ്പെട്ടയാളും അറസ്റ്റിലായവരുടെ കൂട്ടത്തിലുണ്ടെന്നു സ്ഥിരീകരിച്ചതോടെ പ്രതികളുടെ ഐ.എസ് ബന്ധവും വ്യക്തമായി.തമിഴ്നാട്ടിലും കേരളത്തിലും ആക്രമണം നടത്താന് ലക്ഷ്യമിട്ട് ആളുകളെ സംഘടിപ്പിക്കാനായി സമൂഹമാധ്യമങ്ങളില് പ്രചാരണം നടത്തിയ കേസില് മുഹമ്മദ് അസ്ഹറുദ്ദീന് എന്നയാളെ 2019 മേയ് 30നാണു എന്.ഐ.എ. അറസ്റ്റ് ചെയ്തതിരുന്നു. ഇയാളെ കാണാനായി നിരവധി യുവാക്കള് കോയമ്പത്തൂരില് നിന്നു വിയ്യൂരിലെത്തിയിരുന്നു. ഇതിന്റെ അടിസ്ഥാനത്തില് കഴിഞ്ഞ രണ്ടുവര്ഷത്തിനിടെ തമിഴ്നാട്ടില് നിന്നു വിയ്യൂരിെല അതീവ സുരക്ഷാ ജയിലില് സന്ദര്ശിച്ചവരുടെ വിവരങ്ങള് നല്കാന് അന്വേഷണ സംഘം ജയില് അധികാരികളോട് ആവശ്യപ്പെട്ടത്. അറസ്റ്റിലായവരില് ചിലരും വിയ്യൂരിലെത്തിയിരുന്നുവെന്നു കോയമ്പത്തൂര് കമ്മിഷണര് ഇന്നലെ വ്യക്തമാക്കിയിരുന്നു.