കരിപ്പൂർ വിമാനത്താവളത്തിൽ വീണ്ടും സ്വർണ്ണ വേട്ട ; രണ്ടര കിലോ വരുന്ന സ്വർണ്ണം രണ്ട് യാത്രക്കാരിൽ നിന്നായി പിടികൂടി.

കസ്റ്റംസ് പ്രിവന്റീവ് വിഭാഗമാണ് കോടികൾ വില വരുന്ന സ്വർണ്ണം പിടികൂടിയത്. തലശേരി സ്വദേശി ഷാജഹാൻ, മലപ്പുറം സ്വദേശി കരീം എന്നിവരാണ് പിടിയിലായത്. ഷാജഹാനിൽ നിന്ന് 992 ഗ്രാം സ്വർണവും, കരീമിൽ നിന്ന് 1 കിലോ 51 ഗ്രം സ്വർണ്ണവുമാണ് പിടിച്ചത്. ഇതിൽ ഒരാൾ മിക്സിയിൽ ഒളിപ്പിച്ചായിരുന്നു സ്വർണം കടത്തിയത്. ഇസ്തിരിപെട്ടിയിൽ ഒളിപ്പിച്ച നിലയിൽ രണ്ടാഴ്ച മുൻപ് 1750 ഗ്രാമോളം സ്വർണം കരിപ്പൂരിൽ നിന്നും പിടികൂടിയിരുന്നു.