സീറോ മലബാര് സഭ സീനിയര് ബിഷപ്പും ചങ്ങനാശേരി അതിരൂപത മുന് ആര്ച്ച് ബിഷപ്പുമായ മാര് ജോസഫ് പൗവത്തില് (92) കാലം ചെയ്തു. ഉച്ചയ്ക്ക് ഒരു മണിയോടെ ചങ്ങനാശേരിയിലായിരുന്നു അന്ത്യം. വാര്ധക്യ സഹജമായ അസുഖങ്ങളെ തുടര്ന്ന് ചങ്ങനാശേരി അതിരൂപത ആസ്ഥാനത്ത് വിശ്രമത്തിലായിരുന്ന പിതാവിന്റെ ആരോഗ്യനില വഷളായതിനെ തുടര്ന്ന് ചങ്ങനാശേരി ചെത്തിപ്പുഴ ആശുപത്രിയിലെ തീവ്രപരിചരണ വിഭാഗത്തില് ചികിത്സയിലായിരുന്നു.
