കവി എ അയ്യപ്പന് ഓര്മ്മയായിട്ട് ഇന്നേക്ക് 13 വർഷം. ആധുനിക കവിതയില് വ്യത്യസ്തത പുലര്ത്തിയ രചനാസങ്കേതങ്ങളും ബിംബാവിഷ്കാരങ്ങളുമായിരുന്നു, അയ്യപ്പൻ കവിതകളുടെ സവിശേഷത. വഴിമാറി നടത്തമായിരുന്നു അയ്യപ്പന്റെ കവിതയും ജീവിതവും. പൊള്ളയായ പൊങ്ങച്ചങ്ങള്ക്കും ഉപരിപ്ലവമായ കാഴ്ചകള്ക്കുമപ്പുറം സത്യസന്ധമായ ജീവിതത്തില് നിന്നായിരുന്നു അയ്യപ്പൻ, കവിതയെ കണ്ടെടുത്തത്.
