കണ്ണൂരില് അമ്മയുടെ കാറില്നിന്ന് ഇറങ്ങി സ്കൂള് ബസില് കയറാന് റെയില്വെ ട്രാക്ക് മുറിച്ചു കടക്കുന്നതിനിടെ പ്ലസ് വണ് വിദ്യാര്ഥിനി ട്രെയിന്തട്ടി മരിച്ചു. കിഷോര് – ലിസി ദമ്പതികളുടെ മകള് നന്ദിതയാണ് മരിച്ചത്. കണ്ണൂര് കക്കാട് ഭാരതീയ വിദ്യാഭവനിലെ പ്ലസ് വണ് വിദ്യാര്ഥിനിയാണ് നന്ദിത. കണ്ണൂര് ഭാഗത്തേക്ക് വന്ന പരശുറാം എക്സ്പ്രസാണ് കുട്ടിയെ ഇടിച്ച് തെറിപ്പിച്ചത്. സ്കൂള് ബസില് കയറാന് രാവിലെ അമ്മയുടെ കൂടെ കാറില് വന്ന വിദ്യാര്ഥിനി റെയില്വെ ഗേറ്റ് അടച്ചിരിക്കുന്നതു കണ്ട് പാളം മുറിച്ചു കടന്നുവെങ്കിലും ബാഗ് തീവണ്ടിയില് കുരുങ്ങിയാണ് അപകടമുണ്ടായതെന്ന് ദൃക്സാക്ഷികള് പറയുന്നു. അമ്മയുടെ കണ്മുന്നിലാണ് അപകടം നടന്നത്. നാട്ടുകാര് ഉടന്തന്നെ കുട്ടിയെ എ.കെ.ജി ആശുപത്രിയിലും മിംസ് ആശുപത്രിയിലും എത്തിച്ചുവെങ്കിലും ജീവന് രക്ഷിക്കാനായില്ല. ലിസിയുടെ ഭര്ത്താവ് നേരത്തെ രോഗം ബാധിച്ച് മരിച്ചിരുന്നു.