തിരുവനന്തപുരം ആക്കുളം പാലത്തില്‍ കണ്ടെയ്‌നര്‍ ലോറി അപകടത്തില്‍പ്പെട്ടു. കാര്‍ കയറ്റി വന്ന ലോറി പാലത്തിന്‍റെ കൈവരിയില്‍ ഇടിക്കുകയായിരുന്നു.ഇന്ന് രാവിലെയായിരുന്നു അപകടം നടന്നത്. ഡ്രൈവര്‍ ഉറങ്ങിയതാണ് അപകട കാരണം.അപകടത്തെ തുടര്‍ന്ന് കായലിലേക്ക് ചാടി രക്ഷപ്പെടാന്‍ ശ്രമിച്ച ഡ്രൈവറെ തുമ്പ പൊലീസ് കസ്റ്റഡിയിലെടുത്തു.
കണ്ടെയ്‌നര്‍ ലോറി അപകടത്തിനെത്തുടര്‍ന്ന് ബൈപ്പാസിലെ ഗതാഗതം ഭാഗികമായി തടസപ്പെട്ടു.ലോറി പാലത്തിൽ നിന്ന് മാറ്റാനുള്ള ശ്രമം അഗ്നിരക്ഷാ സേന ആരംഭിച്ചിരുന്നു.
