അഭിനേതാക്കളുടെ സംഘടനയായ അമ്മയുടെ ജനറൽ സെക്രട്ടറി സ്ഥാനത്തിനായി കടുത്ത മത്സരവുമായി താരങ്ങൾ രംഗത്ത്. 25 വർഷത്തിനു ശേഷം ഇടവേള ബാബു സ്വയം ഒഴിഞ്ഞ ജനറൽ സെക്രട്ടറി സ്ഥാനത്തിനായി സിദ്ദിഖ്, കുക്കു പരമേശ്വരൻ, ഉണ്ണി ശിവപാൽ എന്നിവരാണ് മത്സര രംഗത്തുള്ളത്. പല തവണയായി അമ്മയുടെ ഔദ്യോദിക പദവികൾ വഹിച്ചിട്ടുള്ളവരാണ് മത്സര രംഗത്തുള്ള മൂന്നുപേരും. അതേസമയം ഔദ്യോദിക പക്ഷത്തിന്റെ പിന്തുണ സിദ്ദിഖിനാണ്. ജഗദീഷ്, മഞ്ജു പിള്ള, ജയൻ ചേർത്ത എന്നിവരാണ് വൈസ് പ്രസിഡന്റ് സ്ഥാനാർത്ഥികൾ. കുക്കു പരമേശ്വരൻ, അനൂപ് ചന്ദ്രൻ, ജയൻ ചേർത്തല നേരത്തെ പ്രസിഡന്റ് സ്ഥാനത്തേയ്റ്റ് മത്സരിക്കാൻ പത്രിക നല്കിയെങ്കിലും, മോഹൻലാൽ വന്നതോടെ പിൻമാറുകയായിരുന്നു. ഇതോടെ പ്രസിഡന്റായി മോഹൻലാൽ തെരഞ്ഞെടുക്കപ്പെട്ടു. 11 അംഗ എക്സിക്യൂട്ടീവ കമ്മിറ്റിയിലേയ്ക്ക് 12 പേർ ഇത്തവണ മത്സര രംഗത്തുണ്ട്. 30 ന് കൊച്ചി ഗോഗുലം കൺവെൻഷൻ സെന്ററിൽ നടക്കുന്ന ജനറൽ ബോഡി യോഗത്തിലാണ് തെരഞ്ഞെടുപ്പ് നടക്കുന്നത്
