മനുഷ്യൻ ഒരു യാത്രികനാണ്. ഓരോ യാത്രയുടെ പിന്നിലും പല കാരണങ്ങളുണ്ടാകും. ഓരോ നാടിന്റെ വൈവിധ്യങ്ങളെക്കുറിച്ചും, അവിടുത്തെ ആചാരനുഷ്ഠാനങ്ങളെയും പാരമ്പര്യ രീതികളെ കുറിച്ചും അറിയാൻ യാത്രയെ സ്നേഹിക്കുന്നവരുണ്ട്. മനശാന്തിക്കായി യാത്രക്ക് ഇറങ്ങി തിരിക്കുന്നവരുണ്ട്. അതിൽ തീർത്ഥാടന കേന്ദ്രങ്ങളിലേക്ക് ഉള്ളവരും ഉയർന്ന വിദ്യാഭ്യാസത്തിനും ജോലിക്കും മറ്റു രാജ്യങ്ങളിലേക്ക് ചേക്കേറുന്നവരുമുണ്ട്. യാത്രാ പ്രേമികൾക്കായി ഒരു ദിനം, സെപ്തംബർ 27 ലോക ടൂറിസം ദിനമാണ്.
