പരിപാടിയുടെ ഔപചാരിക ഉദ്ഘാടനം ജൂലായ് 24-ാം തിയ്യതി നടക്കും. വിവിധ ഭാഷകളിലുള്ള 25 പ്രശസ്ത ചിത്രങ്ങളും, ഹ്രസ്വചിത്രങ്ങളും ചലച്ചിത്രോത്സവത്തിൽ പ്രദർശിപ്പിക്കും. പ്രസിഡണ്ട് സി.ഒ. ദേവസ്സിയുടെ അദ്ധ്യക്ഷതയിൽ ജയശ്രീ ഹാളിൽ ചേർന്ന സ്പന്ദനം പൊതുയോഗമാണ് തീരുമാനമെടുത്തത്. എം.എൽ.എ സേവ്യർ ചിറ്റിലപ്പിള്ളി പൊതുയോഗം ഉദ്ഘാടനം ചെയ്തു. സെക്രട്ടറി സുഭാഷ് പുഴയ്ക്കൽ സ്വാഗതവും ഖജാഞ്ചി കെ.എസ്സ്. ജോർജ്ജ് നന്ദിയും പറഞ്ഞു. ജി.സത്യൻ , എ.കെ.ഉസ്മാൻ, പി.കെ സുബ്രഹ്മണ്യൻ, കെ.കെ.ജയപ്രകാശ്, ജയൻ മേലേതിൽ, എൻ.കെ.പ്രമോദ് കുമാർ, ടി.ആർ.രഞ്ജിത്ത്, കെ.വി.മോഹൻ ദാസ്, വിത്സൻ കുന്നംപ്പിള്ളി, കെ.സുരേഷ് കുമാർ എന്നിവർ സംസാരിച്ചു. വിവിധ വിഷയത്തെ ആസ്പദമാക്കി നടക്കുന്ന ഓപ്പൺ ഫോറങ്ങളിൽ ചലച്ചിത്ര സാംസ്കാരിക രംഗത്തെ പ്രമുഖ വ്യക്തികളെ പങ്കെടുപ്പിക്കാൻ യോഗം തീരുമാനിച്ചു.
