ഗുജറാത്ത് നിയമസഭാ തിരഞ്ഞെടുപ്പിന്റെ ആദ്യഘട്ട വോട്ടെടുപ്പ് പുരോഗമിക്കുന്നു.രാവിലെ 9 മണിവരെ 4.92 ശതമാനം പോളിങ് രേഖപ്പെടുത്തി. 19 ജില്ലകളിലെ 89 മണ്ഡലങ്ങളിൽ നടക്കുന്ന തിരഞ്ഞെടുപ്പിൽ 788 സ്ഥാനാർഥികളാണു രംഗത്തുള്ളത്.രാവിലെ 8 മുതൽ വൈകിട്ട് 5 വരെയാണ് വോട്ടെടുപ്പ്. രണ്ടാംഘട്ടം ഡിസംബർ 5നു നടക്കും. ഡിസംബർ എട്ടിനാണ് വോട്ടെണ്ണൽ.48 മണ്ഡലങ്ങള് ഉള്പ്പെടുന്ന സൗരാഷ്ട്രയില് കോണ്ഗ്രസിനും ബിജെപിക്കും ജീവന്മരണ പോരാട്ടമാണ്.
