പരീക്ഷ എഴുതുന്ന ഉദ്യോഗാര്‍ത്ഥികളുടെ എണ്ണം മുന്‍കൂട്ടി കണ്ടെത്തുവാനും അതനുസരിച്ച്‌ പരീക്ഷയുടെ തയ്യാറെടുപ്പുകള്‍ കൃത്യതയോടെ നടപ്പിലാക്കുവാനുമാണ്‌ കണ്‍ഫര്‍മേഷന്‍ സമ്പ്രദായം കൊണ്ടുവന്നത്‌. എന്നാല്‍ കണ്‍ഫര്‍മേഷന്‍ നല്‍കിയിട്ടും പരീക്ഷ എഴുതാത്തവരുടെ എണ്ണം സമീപകാലത്ത്‌ വര്‍ധിച്ചുവരുന്നതായി കമ്മിഷന്‍ വിലയിരുത്തി.ഇത്‌ പരീക്ഷകളുടെ സുഗമമായ നടത്തിപ്പിനെ ബാധിക്കുന്ന സാഹചര്യത്തിലാണ് കണ്‍ഫര്‍മേഷന്‍ നല്‍കിയിട്ടും പരീക്ഷ എഴുതാത്ത ഉദ്യോഗാര്‍ത്ഥികളുടെ പ്രൊഫൈല്‍ മരവിപ്പിക്കുന്നതടക്കമുള്ള കര്‍ശനമായ നടപടികളിലേക്ക്‌ കടക്കാന്‍ കമ്മിഷന്‍ തീരുമാനിച്ചത്.
